licerlecia

Bkssssssss!!!

2006-10-16T19:55:00.000+02:00

Ola, de novo non sei se escribir maís dalguinha maneira aquí ou crear un novo blog, pero en tódolos casos avisareibos.
Tamén quero felicitar e mandar uns saudos os meus compañeiros que coa iniciativa da nosa profesora axudounos a crear este blog.
Un bico moi grande para:Non me pagan por pensar,Aldaias, un día, Entre o medio das letras, A rua , Lu¿uria e A parsimonia do día

Dende logo decirlles a todos por aquí que vos animedes para poder facer unha cea como a última,
bkssssssssssssssssssssssssssssssss!!!

2006-06-23T17:54:00.000+02:00

Bueno,este blog creuse grazas a iniciativa da nosa mestra de galego, e hoxe remata o curso polo que este blog chega ao seu fin.
Quero dicirlle un ata logo aos meus compañeiros e a tódolos que líian os meus comentarios.
Que saibades que vos aprecio a todos e que sempre contaredes comigo. Un montón de bikos de Marga!!!

HOMES-MULLERES

2006-06-23T16:48:00.000+02:00

Hoxe, quérovos falar de algo que nos pode ocorrer ás mulleres( polo que eu sei e vivo,
xa que aínda non lle ocorriu a ningún home, que eu coñeza) dende pequenas somos “sometidas” aos homes, dende a autoridade de nosos pais ata no futuro coas nosas parellas.
Un día, de pequena, pode ser que por ser rapaza teñas que facer cousas “de mulleres”, tarefas do fogar…
Despois cos anos este tipo de cousas persisten xa cando es totalmente adulta. Ao ter parella isto continúa. Hai casos, e un en especial, o cal coñezo de primeira man,nos que unha muller de 35 anos, despois de levar coa súa parella 13 anos casada , felizmente, un día este non lle fale e así durante meses.D icíalle que non sabía para que traballaba, xa que podían vivir os dous tranquilamente sen ningún tipo de problema, pois el tiña un negocio no que agora gañaba moitos cartos. Ela dille que non, porque non quería deixar ao seu pai e seu irmán sós despois da morte de súa nai, por que o pai non estaba ben de saúde e o irmán era pouco responsable para levar un restaurante cunha media de 30 persoas ao día e fines e semana de ata 400 persoas e que, simplemente, non quería abandonar o seu fogar.
El dende aquel día díxolle que lle dera a súa roupa e demais obxectos persoais e que marchaba para a casa dos dous.
Dende entón o irmán do seu marido, alguén que nuncaía polo bar, agora vai tódolos días. A familia por parte do home non lle fala e agora quen nunca falou con ela fala mal dela dicindo que anda con mil homes.
Nunca se dixo nada del, é unha fermosísima persoa, eu coñézoo e pódovos dicir que é moi bo home, pero non entendo o que fai. Sinceramente pregúntome quen estará por detrás del para que faga iso.
Ela ten unha gran depresión dende a morte da súa nai e el toma a súa enfermidade a broma, sabendo que ela ten consentido moito ao seu home, que ten botado traballando ata as 6 da maña e el sen chegar a casa.-..
Isto ninguén o debe permitir. A min gustaríame saber por que as mulleres somos cando ocorre algo semellante sempre as culpables? E, por que nunca os homes?
( Marga)

"A SANIDADE PÚBLICA"

2006-05-26T16:52:00.000+02:00

A sanidade pública é en realidade penosa , eu pregúntome se valen de algo os nosos impostos? Sinceramente ónde invisten os nosos cartos? Non é lóxico que nun pequeno pobo se vas por urxencias só teñas dúas respostas:

1. Mírante por riba, por suposto nada de auscultarte, unha aspirina e para a casa .
2. Sen mirarte prefiren mandarte directamente para o hospital máis cércano.

Ah! E unha cousa que se me esquecía antes: se eles están durmindo ti tes que esperar na sala de espera, ante todo non tes dereito a espertar a alguén que estea durmindo por moi mal que esteas.
Claro que a xente da vila, acostumada a estes tratos, xa só se dirixe a este servizo se está moi grave.

Outra cousa que se me esquecía: se estas xa “nas ultimas” e chamas a unha ambulancia tes que pasar polo chiringuito, ao que chaman urxencias, para que che dean un papel para ir ao hospital. Dálles totalmente igual que morras polo camiño.

CARA ONDE IMOS CON ESTA SANIDADE PÚBLICA?????

Marga

UN BO SITIO PARA VISITAR !!!!

2006-05-22T20:13:00.000+02:00

Convídovos a visitar un blog que se chama DESTILADOS PENTAPLÉJICOS, un bo sitio para ler como un bo home narra os seus pensamentos , vivencias , dende unha cama.
Expresa como se sente, como foi a primeira vez que tivo que tomar morfina, como é o nadal . . .
Morreu xa fai uns meses pero dende aquí mándolle un ATA SEMPRE!
Sempre te recordaremos.
(Marga)

Eutanasia I

2006-05-19T16:58:00.000+02:00

A eutanasia foi é e será un tema polémico, xa que a poboación divídese entre a que está a favor , argüíndo que a ve como un medio de salvación ou de descanso eterno ,s en dor , sen sufrimento , sen angustias … pero a outra parte da poboación vea como un homicidio .
Neste tema hai moitas e moi variadas opinións dado que non todos pensamos igual, e non as podería poñer neste blog. Fai uns días vin un debate sobre este tema e algunha xente dicía o seguinte :

- "A vida non é un deber e tampouco unha obrigación, é un dereito"
- "Nós non somos donos da nosa vida só o é Xesús "
- "Nada é sagrado, xa non vivimos nunha sociedade teocrática"

Entre tanto comentario, algúns pensamos que no caso de que sexan persoas tetrapléxicas, enfermidades terminais poderíase practicar a eutanasia, se a persoa que as padece o desexa. Non nos consideramos ninguén para obrigar a ninguén a vivir nesas condicións se non o desexa.
Unha enquisa do Fis daba o dato que o 70% da poboación Española esta a favor da eutanasia .
Eu son nova ,pero por que se unha enquisa dá este dato non se pregunta ao pobo dunha maneira mais “certa”? Que traballen e que decidan dunha vez para facer unha lei para poder permitir a eutanasia ou para prohibila .

( Marga )

O PAÍS DOS MIL RÍOS E A CONTAMINACIÓN

2006-05-12T19:33:00.000+02:00

O noso país é o país dos mil ríos e por culpa nosa estase a "desfacer" este dato.
Temos que parar de destruír a nosa terra, esta terra tan querida por algúns e tan odiada por outros.
Os ríos son coma o seu sangue. Se o enchemoss de porcallada estropease, enferma e non ten tratamento.
Esta imaxe de arriba demostra como nós, tamén os galegos non coidamos a nosa terra.
Si, teño que admitilo, son un pouco pesimista pero é a crúa realidade, dentro duns anos imos a pagar moi caro as consecuencias de contaminar a nosa terra.
Esta imaxe non só nos ensina como tratamos a terra senón tamén que con isto non só facemos dano ao medio, tamén á nosa propia saúde, xa que esta chega a algúns mananciais e logo nós a consumimos bebendo os vertidos que nós botamos con anterioridade á auga.
( Marga )

Galegos que non se cren galegos!

2006-05-12T19:20:00.000+02:00

Por que moitos galegos cren que non falan a súa lingua, que o que falan non é galego nin nada? A nosa lingua "tivo moi mala vida", non foi querida por moitos e, agora que se ergue, que volve sorrir, nós, o pobo, non cremos que a usamos!
Por que facemos isto? Temos que empezar a crer que a nosa lingua é forte, que está viva, que é coma o resto das linguas: nin menos nin máis.
Os galegos temos que apoiala e deixarnos de dicir parvadas, crer que nós podemos , que somos galegos e queremos, debemos e temos que falar galego.
( Marga )

LOS EDUKADORES

2006-05-10T18:30:00.000+02:00

Con respecto a esta película, recoméndoa, pois está moi ben, e ensinache a conformarte e a que sexas máis feliz co que tes e que o saibas valorar.Pois o máis importante, non son as cousas materiais, senón que son os amigos, o que che pasa cada día...
Podemos ser felices sen ter a necesidade de ter diñeiro en abundancia, ou sen crer que somos superiores ós demais porque, en realidade, non o somos.
Procurade non perder @s amig@s que máis queredes, pois os verdadeiros amigos son os que non te deixan de lado, e que están contigo para o bo e o malo.

POR QUE OS XÓVENES CONSOMEN DROGAS?

2006-05-07T19:09:00.000+02:00

No que respecta ás adicións, estas resultan da interacción continua de tres sistemas:

a) A substancia

b) As características persoais de cada persoa

c) O contexto sociocultural no que a persoa se desenvolve.

Algunhas das razóns ou motivacións que se dan son:

-por curiosidade, probar algo novo;

-para sentirse maiores;

-para fuxir de determinados problemas;

-Por presión dos amigos;

-Para integrarse con grupos;

-Para chamar a atención;

-Por pracer inmediato;

-Para vivir novas experiencias;

-Porque queren transgredir as normas;

-Porque hai un baixo control familiar;

FACTORES DE RISCO ESPECÍFICOS

INDIVIDUAIS

-Baixa autoestima;

-Pouca idade

-Necesidade de experimentar sensacións novas;

-Pouca conformidade coas normas sociais;

-Fracaso escolar;

-Baixo nivel de asertividade;

-Forte necesidade de aprobación social;

-Circunstancias críticas vitais;

-Baixo de nivel de tolerancia á frustración;

FAMILIARES

-Historia de drogodependencias na familia;

-Falta de estratexias educativas nos pais;

-Tolerancia cara certo consumo de drogas;

3. SOCIAIS

-Aceptación cultural;

-Relación con grupos de risco ou consumidores;

-Escaso acceso a alternativas atractivas de tempo libre;

-Competitividade e busca do éxito.

-Publicidade;

-Normas sociais excesivamentepermisivas;

-Escasez económica;

Non existe nin un único motivo nin unha maneira exclusiva de volverse drogodependente. Sempre se da a interacción de diversos factores e non son extrapolables a calquera espazo, ou movemento xa que están insertas en ámbitos sociais e culturais específicos e cambiantes.

DÍA DA NAI

2006-05-05T19:36:00.000+02:00

O vindeiro domingo será o Día da Nai, un dos días do ano de consumismo por excelencia xunto co Día do Pai, San Valentin...
Pero este día serve para que através dun detalle expresemos todo o que a queremos durante todo o ano.
Por iso temos que darlle as grazas a tódalas nais só polo feito de ternos como fillos ou de aturarnos durante toda a súa vida.
(Marga)

Os Galegos "tontos" segundo a RAE

2006-05-05T19:09:00.000+02:00

Despois de coseguir que varias das acepcións do termo de galego (RAE 1817) que o dicionario recolle na entrada galego nun refrán que amosa a superioridade dos casteláns sobre os galegos, ou coma en 1936 define como mozo de corda ( ou para que todos nos entendamos criado) foran eliminadas.

Despois conseguimos que nos anos oitenta do seculo XX foran eliminadas estas definicións, agora, no seculo XXI, temos que aguantar que nas súas acepcións veñan recollidas as de " tonto" e "tartamudo" e, na sétima acepción, o de lingua romance!!! É vorgonzoso que aparezan estes insultos (dende o meu punto de vista) antes da definición verdadeira .

Como poden os responsables políticos, de gabinetes etc. permitir este tratamento para os galegos?

Non entendo para que pagamos impostos se no seu posto non fan nada.

(Marga)

ASASINOS LEGAIS

2006-05-02T19:41:00.000+02:00

Xa hai tempo escoitei unha canción que me fixo pensar e non é que non o soubera pero,
como podemos ser coñecidos por: "España: toros ,ole!"?
Por ser asasinos duns pobres animais que encerramos nun recinto é matamos brutalmente
e, inda por riba, temos a cara de dicir que:
-É o animal mais nobre.
Por favor!, como podemos chegar a dicir semellantes barbaridades? Se non lle preguntamos se queren morrer?
Temos bastantes cousas polas cales ser coñecidos sen ser os touros, sen ter que asasinar a ningún animal.
Paremos esta cruel tradizón!
(Marga)

Lobos decapitados

2006-04-26T20:08:00.000+02:00

Fai uns dias apareceron dous lobos decapitados en Rodeiro.
Como nós, os seres humanos, podemos asasinar a uns animais desa maneira?
En que país vivimos no que matamos a animais sen ningunha consideración.
Vergoña é o que sinto o pensar que dous pobres animais morren nas mans de nosos irmáns.
Non podemos permitir estas inxustizas, desastres...
Lervantémonos, xuntemos e loitemos polas inxustizas,
xa que, como unha canción di:

O pobo unido xamaís sera vencido,
o pobo vencido xamais estivo unido.

(Marga)

...

MINICENTRAIS

2006-04-26T19:21:00.000+02:00

As minicentrais provocan un corte radical dos ríos de pouco caudal ( xeralmente no mellor lugar do río, na cabeceira), por medio dun muro, feito de cemento e formigón. Por suposto tamén se fan en ríos de máis caudal. Un exemplo moi preto é o encoro de Portodemouros e, agora, estamos vendo diante nosa construí dúas novas minicentrais sen poder facer nada, en que país "democrático"vivimos no que non escoitan ao pobo e só escoitan a "FENOSA", unha empresa que rouba os nosos recursos e que está destruíndo o noso país?
Supoñen un desastre para o río, xa que están feitas sen mirar para nada a natureza e simplemente para gañar cartos. (Os estudos medioambientais e de impacto que fan son terceiromundistas e non teñen en conta nada, arrasan co que hai de mala maneira). Son un auténtico atentado á natureza.
(Marga)

Os Rios Son Os Soños

2006-04-26T19:13:00.001+02:00

Este texto atopeino en internet e gustoume, gustaríame saber a vosa opinión,así que lédeo:

Os ríos son a parte interior da infancia. Os ríos son auga que marcha e corre.
Debemos respectalos e coidalos e querelos, como respectar a vida e a inocencia. A natureza é a parte máis sabia do home.
Temos que abumiñar esta parte non morta de nós mesmos. Auga para beber e para amar. Auga para reflectir nela a nosa cara de paz. A natureza é sempre algo animal e libre. Eu corro cara ao río da aldea e bailo mentres me baño. Lonxe do mundo e da cidade.
Eu amo os ríos que me percorren. Hai que buscar na harmonía a beleza. Hai que correr e xogar nos patios do espíritu. Os ríos son partes soñadas de todo. O todo é o feo e as partes son fermosas. É fermoso ver un río nunha foto. É fermoso cantar cancións e beber viño, como nos Caneiros. Os ríos, como fadas, cruzan cidades e vilas. Cruzan a xeografía humana e xogan con ela. Avanzar como nación é amar ese soño da terra , a auga. Nas fontes nace todo coma se nacera un poema. Moitos poemas para que non nos doa a morte.
Quero mollarme no río e sentirme soñadora e libre. A natureza libera ao ser humano por dentro, faino máis intelixente e máis aberto. Os ríos que me inundan son un diagrama certo. Un debuxo nas miñas páxinas de poesía. Os ríos son a cor intensa dos ollos das vacas.

Que vos pareceu...está moi ben a nosa terra galega é o país dos mil rios e po iso debemos de coidalos e respetalos por que son a sangue da nosa terra, parte da nosa vida...Que fariamos nós sen eles ? Eu non sabería vivir, e a miña terra quedaría sedenta.
(Marga)

ANIMAIS EN PERIGO DE EXTINCIÓN

2006-04-26T17:55:00.000+02:00

Onte entereime de que a abella típica galega está a punto de desaparecer por culpa
da contaminación e entre iso podo destacar que os productos BAYER son un dos principais culpables: os insecticidas, pesticidas... que fan que cada día o número de exemplares baixe.
Po iso todos temos que intentar non usalos ou dalgunha maneira demandar un uso máis razoable.
(Marga)

ECOLOXÍA E PESCA

2006-04-11T19:24:00.000+02:00

Fai uns días empezou a tempada da pesca. Por iso dende aquí quero "denunciar" a pesca ilegal con redes, xa que así, péscanse pequenos peixes que inda non dan a talla, e tamén a pesca co "trallo", unha especie de rede composta por tres, que fan que non respecten a ningún peixe nin ser vivo.
Pero o que a inda é peor é que se bote sosa caustica, en estado líquido ao río facendo que tódolos peixes, ras, serpes e outros animais morran no río sen ningunha posibilidade de supervivencia. Pero eu preguntome se saben que coa sosa non só matan os peixes que queren pescar senón que coa corrente da auga a sosa segue o curso do río e mata ao resto de peixes,
por que os matan sabendo que ao día seguinte se van pescar non haberá peixes?En realidade somos o único animal que ten intelixencia?
( Marga )

VACACIÓNS

2006-04-05T17:43:00.000+02:00

Hola amig@s,dentro de dous días,empezaremos as vacacións de Semana Santa,nesta semana,teremos tempo para descansar,saír,estar cos amig@s,ligar...todo o que vos apeteza.
Iso si,tende coidado de todo o que ides facer,non vaia ser que saiades moito de festa e acabedes por non poder máis co corpo. O que si que vos pid ,é que, por favor, o pasedes ben, pois é unha semana que temos libre ,na que podemos facer o que queiramos e pasalo ben, que é o máis importante. Espero vervos á volta das vacacións. Moitos biquiños a todos.

NOVAS_AXENDA LITERARIA

2006-03-31T19:49:00.001+02:00

Hoxe vouvos aconsellar, inda que ten bastantes follas, un libro moi interesante de Isabel Allende
que se titula: A Casa Dos Espiritus; libro dividido en dúas partes.
Espero que sigades o meu consello.

(Marga)

SOCIEDADE BASURA

2006-03-29T21:05:00.000+02:00

A nosa sociedade é unha sociedade basura,crea leis para que nos as cumpramos e as poidamos usar, o que esta moi ben pero, eu, dende o meu humilde blog quero facer un chamamento para acabar con esta sociedade machista, sexista, hipócrita...para que esas persoas que se senten dalgunha maneira apartadas, desprezadas como, por exemplo, algunhas persoas que teñen diferentes condicións sexuais se sintan apoiados, non só teoricamente senón tamén no día a día, que cando vaian pola rúa poidan actuar libremente, se se queren dar un bico, que o dean! Non teñen por que oír comentarios, ou inda peor insultos; se queren ir collidos da man, que vaian!
Tamén teño que facer fincapé neste comentario:

“Os nenos quen os amariconan son as nais, elas teñen a culpa!”

Cando mo dixeron quedei sorprendida. Sabía que a nosa sociedade non era moi avanzada nese aspecto pero, agora hai que dicir que e retrógrada, como alguén que ten fillos pode dicir semellante conmentario?
Por isto fagamos todos un pouco para conseguir que todos sexamos iguais , que todos poidadmos vivir igual.
(Marga)

LECTURAS

2006-03-29T20:44:00.001+02:00

Ola!Quero aconsellarvos estes dous libros:
-Durmindo sobre os espellos,o cal a min me gustou moito non só pola temática, se non tamén para esas persoas románticas conta a meirande historia de amor,d ende "Romeo e Xulieta".
-Un monte cheo de faias, o cal , temos que ler os de 4º de E.S.O,trata temas como os problemas que hai entre as diferentes culturas, destacando a presenza de grupos radicais coma os "Skins".
Se seguides o meu consello ,que é que os leades, gustaríame que me désedes a vosa opinión.
(Marga)

MEMORIAS DUNHA CARTA

2006-03-29T20:24:00.000+02:00

Esta carta foi dirixida a min fai uns cantos anos,concretamente no 2006. Daquela eu empezaba a dar os meus pequenos “toques” de periodista.Escribira aquela semana o meu primeiro artigo,nun xornal moi coñecido en
Galicia naquela época ”A Nosa Terra”. Bueno, pero isto non é o que querocontar. A carta é a seguinte:

A miña vida foi longa ,teño moitísimos anos, nacín forte, tiven momentos tristes nos que me mandaban calar, oprimíanme, pero tamén momentos felices. Agora mesmo estou triste, soa, pero empezarei a contalo todo dende un principio.Miña nai estivo casada con centos de homes,persoas que influíron na miñavida, na miña forma de ser. Non me acordo do número de homes que estiveron con ela, pero nin eu nin ningún dos meus irmáns.Todos tiñan diferente procedencia:celtas, árabes, ingleses, franceses...todo isto xunto coa orixe da miña nai, rumana, fai que eu estea “composta” por unha mestura de culturas e tradicións que conforman a miña orixe.
Sendo moi nova independiceime para unha zona do noroeste da península á que lle chaman Galicia. Eu era veciña doutros irmáns meus. Ó principio vivía ben, pero agora ninguén me respecta,mófanse de min,cren que estou acabada, que estou nun burato sen fondo, pero, eu, nestes malos tempos,acórdome deses momentos felices no que todo ía ben,nos que inda que foramos humildes,eramos felices...
Tiven dous fillos. Unha delas está a punto de morrer, é da que máis se mofan. O outro fillo está pola costa e polo norte,e como din “vive ben”.
Odio a esta sociedade que me mata lentamente,que vai acabar comigo. Eu quería pedir axuda, berrar, pero non sabía onde acudir e ninguén me escoitaba.Preguntábame a tódalas horas como podía saír de aí,dese caos.
Mándoche esta carta querida Lucía porque se acaban comigo quero que queden escritos os meus pensamentos, a miña vida, que alguén coma ti pense en min e logo decida que quere facer,somos libres, pero quero que se recorde que alguén puido axudar ou participar na miña morte e nas de todas, xa que se eu morro extínguese algo meu e teu.Naciches fai vintecinco anos,teus pais choraban de emoción e xunto ás primeiras palabras estaba eu.
Eu estiven presente toda a túa vida, desde cando dixeches a túa primeira palabra ata cando te namoraches por primeira vez,cando lle dixeches a ese primeiro mozo esa palabra que tanto che custou,”quérote”; pero conseguíchelo, e outros moitos momentos inolvidables nos que tamén eu estaba.
Por iso eu, o galego, pídoche axuda para que ti loites por min, que nunca renegues de min, que non me apartes, nin me deixes de lado. Loita por min! Agora estou sen folgos, agotada, pero ti es nova e tes forza

AXÚDAME!!!!!!!

Ó lela carta quedei alucinada,non pensaba que a miña lingua no ano 2018, estivera tan mal e tan doída con nós, tan triste.
Teño idea de publicar un artigo, xa que agora xa son unha das editoras do xornal.É algo que nos ten que afectar a todos.Todos aqueles que no seu sangue levan algo galego, pensemos ó compás de cada verba na súa situación.

INSENSIBLES!!!!!!!

2006-03-29T16:49:00.000+02:00

Ola amigos!esta fin de semana puiden ver nas noticias que hai xente que se dedica a cazar focas para sacarlles a pel, utilizala para bolsos ou roupa e, finalmente, vendela por un alto prezo no mercado.
Para asasinar a estes animais o que fan é darlles golpes na cabeza, ata que morren ;pois se lle metesen un tiro na cabeza (como facían antes) ,estropearían a súa pel e non lles serviría de nada.
O que quero dicir con isto é que non me parece moi normal o que fan, pois paréceme unha gran inxustiza pola parte das persoas.

NOVAS_OPINIÓN

2006-03-24T20:52:00.001+01:00

HAI QUE DARLLE UN BO RECIBIMENTO Á MIÑA "COMPAÑEIRA "
XA QUE SE ANIMOU E DECIDIU ESCRIBIR OS SEUS PRIMEIROS ARTIGOS

(Marga )

BANDA TERRORISTA ETA

2006-03-24T19:59:00.000+01:00

ETA, estas siglas pertencen á organización terrorista revolucionaria vasca, EUSKADI TA ASKATUNA ( Pais Vasco e Libertade). Creada no ano 1959. Tres anos máis tarde incorpora a loita armada como metodo para acadar a liberación e indepeendencia do Pais Vasco. No 1968 asasinan ao comisario Meliton Manzanas, isto sería o inicio duna longa traxectoria de mortes, extorsión e asesinato. A Banda ten declarado en varias ocasións o alto ao fogo ou treguas, nas que sempre reivindicaba a independencia do Pais Vasco e a defensa da alternativa KAS.
O derradeiro comunicado de ETA parece que non debe de ser considerado do mesmo xeito que os anteriores. ETA non fala desta volta da autodeterminazon ou independencia, nin da alternativa KAS; considera a sociedade como unha sociede plural e o comunicado e dado tamén en castelán.
Polo tanto parece que este comunicado poida ser máis crible cós anteriores e que a paz sexa posible. Hai que ser optimistas e pensar que neste ano ETA deixará de existir.

( Marga)

Unha decisión tomada por ETA

2006-03-23T19:08:00.000+01:00

Como podedes saber,ETA tomou a decisión de facer unha negociación,na cal expón que realizará un alto ó fogo a partir do venres 24-MARZO-2006.Esperemos que isto dure bastante tempo,e que non se produzan máis atentados;pois cada vez que se produce algún atentado,xa sexa de ETA ou non,adoita morrer alguén,e normalmente morren un número elevado de persoas.As persoas que producen os atentados,nunca pensan na xente que vai morrer,e nos familiares desas persoas,as cales tamén sofren pola perda dos seus seres queridos.
Creo que este paso pode seguir para adiante,e que deixe de haber tanto perigo polas rúas.Se ETA deixase de actuar,o País Vasco non tería tantos problemas,nas súas rúas atoparíase máis seguridade,e non habería tanto sufrimento;pois non morrerían tantas persoas,e a xente non perdería tantos familiares.

(MIRIAN)

NOVAS_OPINIÓN

2006-03-15T20:42:00.001+01:00

Hoxe quero aconsellarvos algúns blogs como por exemplo en BLOGALIZA este a ouriceira sorprendeume xa que ten razón, todos empezamos co propósito de estudar,e acabamos co de:"pa´ próxima xa estudaremos máis".

CELEBRACIÓN GALEGA

2006-03-15T20:28:00.000+01:00

Botando lle unh aollada a ADEGA vin este articulo e pareceume moi interesate:
Este martes 21 de febreiro pasará á historia da loita ecoloxista e social do pobo galego, ao terse aprobado por primeira vez no Parlamento unha Iniciativa Lexislativa Popular conservacionista, a ILP en Defensa dos Ríos Galegos. Defendida na tribuna por Daniel López Vispo, membro da Comisión Promotora e Secretario Xeral de ADEGA, a ILP en defensa dos ríos pasou con 38 votos a favor (os do PSdG e BNG) e 35 en contra (os do PP).
Por isto quería celebralo con vos que tomén en conta os nosos rios que son parte de nos,protexamolos xe que e unha das cousas que maís apreció de Galicia,a nosa terra.

O COMPAÑERISMO

2006-03-15T19:45:00.000+01:00

Este tema, que nos custionamos moitas veces, pasa por diante nosa sen que nos deamos conta.
Levamos con xente, na escola, case toda a nosa vida e agora que imos marchar, dámonos conta de que non a coñecemos, que non entendemos o que din, por que cambian e che contestan mal inda que ti non lle fagas nada?Que lles pasa?
Tamén por feitos desconfiamos dela, e cousas que nunca pensariamos que farían, fano e avergonzámosnos do que pensamos,nalgun momento.
O outro día unha nota pareceume inxusta e por isto, comenteille a profesora como podía ter tanta sorte sempre por que lle puntúa a ela min non. Dixome se "cuestinaba a sua maneira de puntuar" e eu dixenlle que non pero é que non é a primeira vez que pasa.
Unha solución para que exista o compañerismo e puntuando sen favoritismo ou que polo menos no se noten. E intentando que esas persoas cando fan grupos non o fagan todo xa que desa maneira o resto pasa. Pero tamén ocorreo caso contrario, e o que sería un traballo en grupo se convirte no teu traballo, xa que os outros pasan de ti, e non lles importa nada.

(Marga)

ANIVERSARIO

2006-03-10T20:39:00.000+01:00

Mañá fai dous anos dunha masacre, na que morreron moitas persoas e outras quedaron con secuelas.
Gustaríame saber por que matan a inocentes, a persoas que nunca lle dixeron non a nada, persoas coas que nin sequera falaran; por que matar a homes e mulleres dunha forma an brutal sen razón aparente para quitarte ti a túa vida e a de tódalas persoas?
Eu non acepto a escusa de "teñen diferente cultura"ou a de "teñen diferente relixión". Os seres humanos somos animais racionais e temos a capacidade de poder pensar por nós sós, sen que ninguén nos diga o que temos que facer, nin dicir.
Somos libres, LIBRES, algo que hai xente que non entende.

Tamén nun día tan sinalado acordémonos de tódalas persoas mortas en diferentes partes do planeta, non só por guerras, senón polas consecuencias que estas provocaron,
poñamos o noso gran e sinalemos a nosa denuncia contra o terrorismo.

(Marga)

A LINGUA MATERNA, O GALEGO

2006-03-07T19:37:00.000+01:00

Fai uns días foi ó día da lingua materna. A miña é o galego,eu como galega que son e me enorgullece selo, falo galego.
Sinto, pena, triteza ao ver a miña lingua triste por que a xente non a respecta, non a fala ,r ise dela avergoñase , Por que facemos isto?
Rímonos da nosa cultura , do que nos deixaron os nosos devanceiros e noutras idolatrannos?
Eu chego á conclusión de que nos o único que facemos e non saber apreciar o que temos, ata que un día, xa demasiado tarde, nos arrepintamos de perder algo tan noso como a gheada ou o seseo.
Si, apoiemos as nosas palabras como ghato, ghalleta,ghalo...
A nosa lingua pérdese, pon as túas palabras para que todos, os galegos, falen galego e así conservar a nosa cultura.
(Marga)

O SÉCULO XXI PARA A MULLER

2006-03-03T18:22:00.000+01:00

O día da muller é un día de celebración pero eu como muller que son , como vou celebrar hoxe o meu día se hai un número incalculable de mulleres mortas brutalmente, a causa de maltratos producidos por parellas ou exparellas. Cal é en realidade a nosa situación? Foi mellorando co paso do tempo pero inda hoxe podemos atoparnos a mulleres sometidadas baixo a ditadura do seu marido. E, ademaís, como podemos aguantar que " sacerdotes " nos digan que aculpa de que algunhas mulleres foran maltratadas é súa, que provocaban aos seus homes?
Como pode a nos a sociedade permitir que alguén pense isto e estea tódolos domingos na igrexa dando a eucaristía e guiando as persoas cristiáns?
En pleno século XXI temos que aguantar estas insolencias diante nosa. Loitemos por acabar con estas ideas e os centos de comentarios machistas cos que nos educan.

BASTA XA!!!

(Marga)

Paz

2006-02-04T11:10:00.000+01:00

Fai uns días celebrouse a conmemoración da paz, neste día colexios de diversos países celebran a Paz de diferentes maneiras: facendo un mural de mans, como o que se observa nesta imaxe,
liberando pombas brancas, facendo debuxos, pancartas, traballos...
Pero neste día, inténtase levar a paz dentro dun mesmo, non usar a violencia, axudar ó próximo e os máis necesitados, ó día de hoxe todo segue igual que fai uns meses, por iso dende aquí queremos recordar que facendo todos un pouquiño, a famosa paz pola que se loita tódolos anos se poida cumprir.
ASÍ QUE...RECORDADE:

UNHA PALLA NON FAI PALLEIRO ...
PERO AXUDA Ó COMPAÑEIRO!!!!!!!!

GRAZAS

2006-02-03T16:38:00.000+01:00

Hoxe queria darlle as grazas a http://www.adega.info/ asociación ecoloxista pola "obras"que fixeron por toda Galicia. Os colexios participaron nunha destas propostas coidando un espazo de río contra a contaminación de lixos, e os vertidos tóxicos a estes. Tamén como a coida de especies protexidas,ou o intento de paliar desastres ecolóxicos como a creación de encoros ou minicentrais. Que saibades que vos apoio e outra vez grazas!!!!!!! :)

(Marga)

OS TRANSPORTE DE LUGO-SANTIAGO NO SÉCULO XXI

2006-01-23T19:15:00.000+01:00

A pasada fin de semana estas dúas boas "escritoras" de este blog fomos a Santiago, o que non sabiamos era que, se por exemplo, queres coller o bus en Salceda , Ferreiros ou San Lázaro, o autobús non para se ti non te pos no medio da carretera e te pos a facer sinais coma unha tola. Isto acorreunos a nós en primeira persoa. Este é o" bo servizo" que nos ofrecen os autobuses "FREIRE", un servizo denigrante para os seus clientes, os cales só poden facer servizo del "arriscando a súa vida " ou desprazándose aos pequenos centros urbanos.

(Marga)

Historia do galego rapeada

2006-01-19T10:25:00.000+01:00

O Galego,a miña lingua,
a miña fala,
fálana as miñas avoas,
miña nai e miña tía.

A súa historia é boa
xa que, na idade de pedra,
deixáronnos palabras coma casta, veiga ou caxigo

Despois diso os Celtas tamén nos influíron
e puxeron o nome a GALIZA,
a nosa terra, a nosa lingua, a nosa fala.

Máis tarde, chegaron os romanos.
a nosa lingua
está feita partindo da lingua latina.

Os xermanos
déronnos algunhas das súas palabras
coma espeto ou roupa,
pero tamén o nome dalgunhas vilas
coma o de Samil ou Ramil

Os Árabes cando conquistaron a nosa terra,
deixáronnos unha grande cantidade de palabras,
nomes ou outras cousas,
de aí o nome da miña avoa Andrea,
ou moitas cousas que usamos na nosa vida cotiá,
como o aceite ou a laranxa.

Isto fixo que a partir do século XIII
se empezara a usalo galego
en testos escritos, na lírica, na prosa.
e en textos legais.

As cousas cambiaron
e fixeron do galego unha lingua marxinal.

Despois de moitos séculos,
un grupo de persoas intentaron revivilo galego,
estes hoxe fixéronse famosos
pero daquela non o eran,
coma Rosalía, Curros ou Pondal.

Agora todo vai mellor grazas a estes.
Por iso fixeron xa dous estatutos
e o galego está revivindo pouco a pouco.

Ola

2006-01-18T18:00:00.000+01:00

Ola:

Quería dar a benvida a tódolos visitantes do noso pequeno blog no que vos informaremos de tódalas novas que sucedan, a nosa opinión sobre elas, os nosos traballos ou outros datos de interese.

Tamén nos gustaría que deixarades a vosa opinión sobre algunhas das noticias que aquí se publicarán.

Bicos!! É non deixedes de visitarnos.